പുതിയ ടൊയോട്ട ഇന്നോവ ഹൈക്രോസ് നവംബർ 21-ന് ലോകമെമ്പാടും അരങ്ങേറ്റം കുറിക്കും. തുടർന്ന് 2022 നവംബർ 25-ന് ഇന്ത്യയിലും വാഹനം എത്തും. ഇതിന് മുന്നോടിയായി തിരഞ്ഞെടുത്ത ടൊയോട്ട ഡീലർമാർ എംപിവിയുടെ പുതിയ മോഡലിന് 50,000 രൂപ ടോക്കൺ തുകയ്ക്ക് പ്രീ-ബുക്കിംഗ് സ്വീകരിച്ചു തുടങ്ങി എന്നാണ് പുതിയ റിപ്പോര്‍ട്ടുകള്‍. അതേസമയം വാഹനത്തിന്‍റെ ഔദ്യോഗിക ബുക്കിംഗ് നവംബർ 25- ന് ആണ് ആരംഭിക്കുക. അടുത്ത വർഷം ജനുവരിയിൽ നടക്കുന്ന ദില്ലി ഓട്ടോ എക്‌സ്‌പോയിൽ വില പ്രഖ്യാപിക്കുമെന്ന് കാർ നിർമ്മാതാവ് സ്ഥിരീകരിച്ചിട്ടുണ്ട്.
വരാനിരിക്കുന്ന ഇന്നോവ ഹൈക്രോസിന്റെ പ്രധാന സവിശേഷതകൾ വെളിപ്പെടുത്തുന്ന രണ്ട് ടീസറുകൾ ടൊയോട്ട കിർലോസ്‌കർ മോട്ടോർ അടുത്തിടെ പുറത്തിറക്കിയിരുന്നു. നിലവിലെ തലമുറയിൽ നിന്ന് വ്യത്യസ്‍തമായി, പുതിയ മോഡലിന് കൂടുതൽ എസ്‌യുവി സ്റ്റൈല്‍ ഉണ്ടായിരിക്കും. കൂടാതെ ലാഡർ ഫ്രെയിം ഷാസിക്ക് പകരമായി മോണോകോക്ക് പ്ലാറ്റ്‌ഫോമിൽ ആയിരിക്കും വാഹനം എത്തുക. TNGA മോഡുലാർ ആർക്കിടെക്ചർ ലാഡർ ഫ്രെയിം ഷാസിയെക്കാൾ കൂടുതൽ പുരോഗമിച്ചതും ഭാരം കുറഞ്ഞതും കൂടുതൽ കാര്യക്ഷമവുമാണ്.
ഫ്രണ്ട് ഫാസിയയിൽ കോൺട്രാസ്റ്റ് ബ്ലാക്ക് ഫിനിഷും ക്രോം സറൗണ്ടുകളുമുള്ള വലിയ ട്രപസോയിഡൽ ഗ്രില്ലും, ഡ്യുവൽ ലെയറുകളുള്ള എൽഇഡി പ്രൊജക്ടർ യൂണിറ്റുകളുള്ള റാപ്പറൗണ്ട് ഹെഡ്‌ലാമ്പുകളും, തിരശ്ചീനമായ എൽഇഡി ഡിആർഎല്ലുകളും, ഓരോ കോണിലും ഫോക്‌സ് അലുമിനിയം ഘടകങ്ങളുള്ള പുതുതായി രൂപകൽപ്പന ചെയ്‌ത ബമ്പറും ഉണ്ട്. വശത്തേക്ക് നീങ്ങുമ്പോൾ, മൂന്ന്-വരി എംപിവിയിൽ ഒരു പുതിയ അലോയി വീലുകൾ ഉണ്ട്. വാതിലുകളുടെ നീളത്തിൽ നീണ്ടുകിടക്കുന്ന രണ്ട് വ്യതിരിക്തമായ സൈഡ് ക്രീസുകളുണ്ട്. കൂടാതെ റാപ്പറൗണ്ട് ടെയിൽലാമ്പുകളുമായി ലയിക്കുന്നു.
2023 ടൊയോട്ട ഇന്നോവ ഹൈക്രോസ്, ഡ്യുവൽ-പേൻ പനോരമിക് സൺറൂഫും അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റവും (ADAS) വാഗ്ദാനം ചെയ്യുന്ന ബ്രാൻഡിന്റെ ആദ്യ മോഡലായിരിക്കും. അഡാപ്റ്റീവ് ക്രൂയിസ് കൺട്രോൾ, ഓട്ടോമാറ്റിക് എമർജൻസി ബ്രേക്കുകൾ, ലെയിൻ ഡിപ്പാർച്ചർ മുന്നറിയിപ്പ്, കാൽനടയാത്രക്കാരെ കണ്ടെത്താനുള്ള പ്രീ-കളിഷൻ, റോഡ് സൈൻ അസിസ്റ്റ്, ഡൈനാമിക് റഡാർ ക്രൂയിസ് കൺട്രോൾ എന്നിവ വാഗ്ദാനം ചെയ്യുന്ന ടൊയോട്ട സേഫ്റ്റി സെൻസ് (ടിഎസ്എസ്) ഇതിന് ലഭിക്കും.
പവർട്രെയിൻ സിസ്റ്റത്തിൽ 2.0 ലിറ്റർ നാച്ചുറലി ആസ്പിറേറ്റഡ് പെട്രോളും 2.0 ലിറ്റർ പെട്രോളും ശക്തമായ ഹൈബ്രിഡ് ടെക് യൂണിറ്റും ഉൾപ്പെടും. രണ്ട് മോട്ടോറുകളുടെയും പവർ, ടോർക്ക് കണക്കുകൾ ഇപ്പോഴും രഹസ്യമാണ്. RWD (റിയർ-വീൽ ഡ്രൈവ്) സജ്ജീകരണത്തിന് പകരം FWD (ഫ്രണ്ട്-വീൽ ഡ്രൈവ്) സംവിധാനത്തോടെയാണ് ഇന്നോവ ആദ്യമായി അവതരിപ്പിക്കുന്നു എന്നതും പ്രത്യേകതയാണ്