ഫെയ്സ്ബുക്കിന്റെ മാതൃകമ്പനിയായ ‘മെറ്റ’യുടെ ഇന്ത്യ മേധാവിയായി സന്ധ്യ ദേവനാഥനെ നിയമിച്ചു. ജനുവരി 1ന് ചുമതലയേൽക്കും. . നിലവിൽ ഏഷ്യ പസിഫിക് മേഖലയിലെ മെറ്റയുടെ ഗെയിമിങ് വിഭാഗം മേധാവിയാണ് സന്ധ്യ.
2016ലാണ് സന്ധ്യ ഫെയ്സ്ബുക്കിന്റെ ഭാഗമായത്. സിംഗപ്പൂർ, വിയറ്റ്നാം ടീമുകൾ രൂപീകരിച്ചത് സന്ധ്യയുടെ നേതൃത്വത്തിലാണ്. ആന്ധ്ര സർവകലാശാലയിൽ നിന്ന് 1999ൽ ബിടെക് പൂർത്തിയാക്കിയ സന്ധ്യ ഓക്സ്ഫഡ് സർവകലാശാലയിലാണ് തുടർപഠനം നടത്തിയത്. സിറ്റി ബാങ്ക് ഡയറക്ടർ (സെയിൽസ് പെർഫോമൻസ് മാനേജ്മെന്റ്), സ്റ്റാൻഡേഡ് ചാർട്ടേഡ് ബാങ്ക് റീട്ടെയ്ൽ ബാങ്കിങ് എംഡി അടക്കമുള്ള പദവികളും വഹിച്ചിട്ടുണ്ട്. ആന്ധ്രയിലും തമിഴ്നാട്ടിലുമായിട്ടാണ് സന്ധ്യയുടെ കുടുംബം.
