അവകാശികളില്ലാത്ത നിക്ഷേപങ്ങളുടെ നോമിനി വിവരങ്ങൾ ലഭ്യമെങ്കിൽ അവരെ ബാങ്കുകളടക്കമുള്ള ധനകാര്യസ്ഥാപനങ്ങൾ വൈകാതെ നേരിട്ടു ബന്ധപ്പെട്ടേക്കും.
ഫിനാൻഷ്യൽ സ്റ്റബിലിറ്റി ആൻഡ് ഡവലപ്മെന്റ് കൗൺസിലിൽ (എഫ്എസ്‍ഡിസി) വിഷയം ചർച്ചചെയ്തു. അവകാശികളില്ലാത്ത ബാങ്ക് നിക്ഷേപങ്ങൾ, ഷെയറുകൾ, ഡിവിഡൻഡ്, മ്യൂച്വൽ ഫണ്ട്, ഇൻഷുറൻസ് ക്ലെയിം എന്നിവ അവകാശികൾക്ക് നൽകാൻ പ്രത്യേക ക്യാംപെയ്ൻ ആരംഭിക്കുമെന്ന് സാമ്പത്തികകാര്യ സെക്രട്ടറി അജയ് സേഠ് വ്യക്തമാക്കി. ധനമന്ത്രി നിർമല സീതാരാമന്റെ അധ്യക്ഷതയിലായിരുന്നു യോഗം.