രാജ്യത്തെ പ്രതിദിന ആഭ്യന്തര വിമാനയാത്രക്കാരുടെ എണ്ണം 5 ലക്ഷമെന്ന പുതിയ റെക്കോർഡിലേക്ക് നീങ്ങുന്നു. ഞായറാഴ്ച മാത്രം 4.98 ലക്ഷം ആളുകളാണ് ഇന്ത്യയ്ക്കുള്ളിൽ വിമാനങ്ങളിൽ യാത്ര ചെയ്തത്. അതായത്, 5 ലക്ഷം കടക്കാൻ 1,479 പേരുടെ കുറവ് മാത്രം. ദീപാവലി അടക്കമുള്ള ഉത്സവസീസണും കുതിപ്പിനു കാരണമായി. കഴിഞ്ഞ 3 ദിവസം തുടർച്ചയായി യാത്രക്കാരുടെ എണ്ണം പ്രതിദിന റെക്കോർഡ് മറികടന്നിരുന്നു. ഇതിനു മുൻപ് ഏറ്റവും കൂടുതൽ യാത്രക്കാരുണ്ടായിരുന്നത് ഒക്ടോബർ 14നാണ്, 4.84 ലക്ഷം പേർ.