ഉയർന്ന വരുമാനമുള്ള വ്യക്തികൾക്കായി (എച്ച്എൻഐ) എൽ ഐ സി പുറത്തിറക്കിയ ഏറ്റവും ഗുണകരമായ പോളിസികളിലൊന്നാണ് എൽ ഐ സി ജീവൻ ശിരോമണി പോളിസി. ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യയിലെ എല്ലാ വിഭാഗത്തിലുള്ള വ്യക്തികൾക്കും ഗ്രൂപ്പുകൾക്കും തങ്ങളുടെ സേവനം ഉറപ്പാക്കുന്നുണ്ട്. കൂടാതെ ലിംഗഭേദം, പ്രായം, സാമ്പത്തിക പശ്ചാത്തലം എന്നിവ അടിസ്ഥാനമാക്കി വിവിധങ്ങളായി തരംതിരിച്ച പോളിസികൾ എൽ ഐ സി പുറത്തിറക്കുന്നുണ്ട്.
എൽ ഐ സി ഇടത്തരം, മധ്യവർഗ വിഭാഗങ്ങൾക്കായി മികച്ച ഇൻഷുറൻസ് പോളിസികൾ തന്നെ പുറത്തിറക്കുന്നുണ്ട്. കൂടാതെ, ഉയർന്ന ആസ്തിയുള്ള വ്യക്തികൾക്ക് വേണ്ടിയും പോളിസികളുണ്ട്. ഉയർന്ന സമ്പത്തുണ്ടാകുമ്പോഴും ഒരു ലൈഫ് ഇൻഷുറൻസ് എന്ന ആശയം, ചില ഘട്ടങ്ങളിൽ ആ കുടുംബത്തിന് സ്ഥിരതയുള്ള ജീവിതം ഉറപ്പു നൽകാൻ സഹായിക്കും. അതിനാൽ, ഇത്തരത്തിൽ ഉയർന്ന വരുമാനക്കാർക്ക് തൃപ്തികരമായ മികച്ചൊരു ഇൻഷുറൻസ് പോളിസി ഉണ്ടായിരിക്കേണ്ടത് അത്യാവശ്യമാണ്.)ഈ വിഭാഗക്കാർക്കായി എൽഐസി പുറത്തിറക്കിയ ഏറ്റവും പ്രയോജനകരമായ പോളിസികളിലൊന്നാണ് എൽ ഐ സി ജീവൻ ശിരോമണി പോളിസി. എൽഐസിയുടെ ഏറ്റവും വിലയ പ്രത്യേകതകളിലൊന്നാണ് പോളിസിയുടെ പലിശ നിരക്ക് സ്റ്റോക്ക് മാർക്കറ്റിന്റെ ഏറ്റക്കുറച്ചിലുകളെ ആശ്രയിക്കുന്നില്ലഎന്നത്. അതായത് സ്റ്റോക്ക് മാർക്കറ്റ് അസ്ഥിരമാകുന്ന ഘട്ടത്തിൽ പോലും എൽ ഐ സി ഗുണഭോക്തക്കൾക്ക് അനുകൂലമായൊരു സഹാചര്യമാണെന്ന് ചുരുക്കം.എന്താണ് എൽ ഐ സി ജീവൻ ശിരോമണി പോളിസി
ജീവൻ ശിരോമണി പോളിസി ഒരു നോൺ-ലിങ്ക്ഡ്, പങ്കാളിത്ത, വ്യക്തിഗത, ലൈഫ് അഷ്വറൻസ് സേവിംഗ്സ് പ്ലാനാണ്. കൂടാതെ പരിമിതമായ പ്രീമിയം പേയ്‌മെന്റ്, മണി ബാക്ക് ലൈഫ് ഇൻഷുറൻസ്, കുറഞ്ഞ ബേസിക് സം അഷ്വേർഡ് ഒരു കോടി രൂപ എന്നിവയും പൊളിസിയുടെ മറ്റ് പ്രത്യേകതകളാണ്.
ഈ പ്ലാൻ പ്രകാരം ഗ്യാരണ്ടീഡ് അഡീഷൻസ് ആദ്യ അഞ്ച് വർഷത്തേക്ക് ഓരോ ആയിരം ബേസിക് സം അഷ്വേർഡിലും 50 രൂപ നിരക്കിലാണ്. ആറാമത്തെ വർഷം മുതൽ പ്രീമിയം കാലാവധി അവസാനിക്കുന്നത് വരെ ഇത് 55 രൂപയായിരിക്കും. ലോയൽറ്റി അഡിഷനുകളാൽ പോളിസി ലാഭത്തിൽ പങ്കാളികളാകും എന്നും കമ്പനി വ്യക്തമാക്കുന്നുണ്ട്.
എൽ ഐ സി ജീവൻ ശിരോമണി പോളിസി, യോഗ്യത
പോളിസി ഉടമയ്ക്ക് 18 വയസ്സ് പൂർത്തിയായിരിക്കണം. 55 വയസാണ് ഉയർന്ന പ്രായ പരിധി. 14 വർഷമായിരിക്കും ഇവരുടെ പോളിസി കാലാവധി. 51 വയസുകാർക്ക് 16 വർഷം, 48 വയസുകർക്ക് 18 വർഷം, 45 വയസുകാർക്ക് 20 വർഷം എന്നിങ്ങനെയാണ് പോളിസികാലവാധി നിശ്ചയിച്ചിരിക്കുന്നത്. കാലാവധി പൂർത്തിയാകുമ്പോൾ, പോളിസി ഉടമയ്ക്ക് 69 വയസ്സിന് മുകളിൽ പ്രായമുണ്ടായിരിക്കരുത്.
എൽ ഐ സി ജീവൻ ശിരോമണി പോളിസിയിലൂടെ എങ്ങനെ കോടി രൂപ സമ്പാദിക്കാം ?
ജീവൻ ശിരോമണി പോളിസി ഒരു കോടി രൂപയുടെ ബേസിക് സം അഷ്വേർഡ് ഉറപ്പു നൽകുന്നുണ്ട്, പോളിസി ഉടമ ഈ പോളിസിയിൽ നാല് വർഷത്തേക്ക് മാത്രം നിക്ഷേപിച്ചാൽ മതിയാകും, അതിനുശേഷം നിക്ഷേപകന് വരുമാനം ലഭിക്കും. 14, 16, 18, 20 എന്നിങ്ങനെ നാല് ടേമുകളിലായാണ് പ്ലാനുള്ളത് ഇതിന് പ്രത്യക പ്രയാരപരിധി നിശ്ചയിച്ചുട്ടുണ്ട്. എൽഐസി ജീവൻ ശിരോമണി പോളിസിയുടെ ആനുകൂല്യങ്ങൾ ലഭിക്കുന്നതിന് പോളിസി ഉടമ ഏകദേശം 94,000 രൂപ പ്രതിമാസ പ്രീമിയം അടയ്‌ക്കേണ്ടതുണ്ട്.
എൽ ഐ സി ജീവൻ ശിരോമണി പ്ലാനിന് കീഴിൽ ഒരു ലോൺ സൗകര്യവും ലഭ്യമാണ്, കുറഞ്ഞത് ഒരു മുഴുവൻ വർഷത്തേക്കെങ്കിലും പ്രീമിയം അടച്ച് ഒരു പോളിസി വർഷം പൂർത്തിയാകുമ്പോൾ ചില നിബന്ധനകൾക്ക് വിധേയമായിട്ടാകും ഇത് അനുവദിക്കുക.
 ReplyForward | | |
