‘വർഷങ്ങൾക്കു ശേഷം’ – വൻ അപ്ഡേറ്റ് എത്തി

ഈ ആഴ്ച മലയാളത്തിൽ റിലീസിന് ഒരുങ്ങുന്ന ശ്രദ്ധിക്കപ്പെടുന്നൊരു സിനിമയാണ് -വർഷങ്ങൾക്കു ശേഷം. സൂപ്പർ ഹിറ്റ് ചിത്രം ഹൃദയം ടീം വീണ്ടും ഒന്നിക്കുന്നു എന്നത് തന്നെയാണ് അതിന് കാരണം. പ്രഖ്യാപനം മുതൽ ശ്രദ്ധിക്കപ്പെട്ട ചിത്രം സംവിധാനം ചെയ്തിരിക്കുന്നത് വിനീത് ശ്രീനിവസൻ ആണ്. ധ്യാൻ ശ്രീനിവാസനും പ്രണവ് മോഹൻലാലും ആണ് പ്രധാന കഥാപത്രങ്ങളെ അവതരിപ്പിക്കുന്നത്. ഏപ്രിൽ 11ന് ചിത്രം റിലീസിന് തയ്യാറൊടുക്കുന്നതിനിടെ പുത്തൻ അപ്ഡേറ്റ് പങ്കുവച്ചിരിക്കുകയാണ് നടൻ മോഹൻലാൽ

വർഷങ്ങൾക്കു ശേഷം സിനിമയുടെ ബുക്കിം​ഗ് ആരംഭിച്ച വിവരമാണ് മോഹൻലാൽ അറിയിച്ചിരിക്കുന്നത്. വിവിധ ബുക്കിം​ഗ് പ്ലാറ്റ്ഫോമിലൂടെ ഇന്ന് മുതൽ പ്രണവ് ചിത്രത്തിന്റെ ടിക്കറ്റുകൾ ലഭ്യമാകും. ബുക്കിം​ഗ് വിവരം പങ്കുവച്ചു കൊണ്ട് പുതിയ പോസ്റ്ററും അണിയറ പ്രവർത്തകർ പുറത്തുവിട്ടിട്ടുണ്ട്.

ഹൃദയം വൈബ് ഇപ്പോഴും ഉള്ളതിനാൽ ചിത്രം കാണാൻ ഏറെ ആവേശത്തിലാണ് പ്രേക്ഷകർ ഇപ്പോൾ. പുത്തൻ ചരിത്രം കുറിക്കുമോ ഈ ചിത്രമെന്നത് കാത്തിരുന്ന് തന്നെ കാണേണ്ടിയിരിക്കുന്നു. വിനീത് ശ്രീനിവാസൻ തന്നെ തിരക്കഥ ഒരുക്കുന്ന ചിത്രത്തിൽ അജു വർഗീസ്, കല്യാണി പ്രിയദർശൻ, ബേസിൽ ജോസഫ്, വിനീത് ശ്രീനിവാസൻ, നീരജ് മാധവ്,എന്നിങ്ങനെ ഒരു വലിയ താരനിര തന്നെ അണിനിരക്കുന്നുണ്ട്.