ഫിൻടെക് , സുഗമമായ നടത്തിപ്പിന് റിസർവ് ബാങ്കിന്റെ പുതിയ നിർദ്ദേശങ്ങൾ

ഒന്നിൽ കൂടുതൽ റെഗുലേറ്ററി സ്ഥാപനങ്ങളുടെ പരിധിയിൽ വരുന്ന ഫിൻടെക് ഉൽപ്പന്നങ്ങളുടെയും സേവനങ്ങളുടെയും സുഗമമായ നടത്തിപ്പിന് റിസർവ് ബാങ്ക് ഓഫ് ഇന്ത്യയുടെ പുതിയ നിർദ്ദേശങ്ങൾ

ഒന്നിൽ കൂടുതൽ സാമ്പത്തിക റെഗുലേറ്ററി( financial sector regulator) സ്ഥാപനങ്ങളുടെ നിയന്ത്രണം ആവശ്യമായ ഉൽപന്നങ്ങൾ/ സേവനങ്ങൾ ഫിൻടെക്ക്(fintech) ലോകത്ത് സാധാരണമാണ്. അതിവേഗം വളരുന്ന ഇന്ത്യൻ സമ്പദ് വ്യവസ്ഥയിൽ ഫിൻടെക്ക് പ്രസ്ഥാപനത്തിന് വളരെയധികം പ്രാധാന്യവുമുണ്ട്. ഈ സാഹചര്യത്തിലാണ് റിസർവ് ബാങ്ക് പുതിയ നടപടിക്രമം പ്രഖ്യാപിച്ചത്.

Inter-Operable Regulatory Sandbox(IORS) ൽ പങ്കെടുക്കുന്നതിന് വേണ്ടി താഴെപ്പറയുന്ന ഏതെങ്കിലും ഒരു റെഗുലേറ്ററി സ്ഥാപനത്തിൻറെ യോഗ്യത മാനദണ്ഡങ്ങൾ പാലിച്ചിട്ടുള്ള സ്ഥാപനങ്ങൾക്ക് അപേക്ഷ നൽകാൻ കഴിയുന്നതാണ്. ബന്ധപ്പെട്ട സ്ഥാപനങ്ങൾ അപേക്ഷയും അനുബന്ധ രേഖകളും നൽകിയാൽ മാത്രമാണ് IORS പ്രക്രിയയിൽ പങ്കെടുക്കാനും ബന്ധപ്പെട്ട ഹൈബ്രിഡ്(Hybrid) ഉൽപ്പന്നങ്ങൾ/ സേവനങ്ങൾ ഇന്ത്യൻ വിപണിയിൽ ഇറക്കുവാനും സാധിക്കുന്നത്.

1, റിസർവ് ബാങ്ക് ഓഫ് ഇന്ത്യ(RBI)
2, സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ(SEBI)
3, IRDAI
4, IFSCA
5, PFRDA
മുകളിൽ പറഞ്ഞ സ്ഥാപനങ്ങൾ നിങ്ങളുടെ ഉൽപ്പന്നം/ സേവനം എന്നതിൻറെ സ്വഭാവമനുസരിച്ച് ‘ Principal Regulator/ Associate Regulator ‘എന്ന നാമത്തിൽ അറിയപ്പെടുന്നു.

ഉദാഹരണത്തിന് നിങ്ങളുടെ ഹൈബ്രിഡ് ഉൽപ്പന്നം/ സേവനത്തിന്റെ Principal Regulator റിസർവ് ബാങ്ക് ഓഫ് ഇന്ത്യ ആണെങ്കിൽ മറ്റുള്ളവ അസോസിയേറ്റ് റെഗുലേറ്റർ ആയിരിക്കും. അപേക്ഷാ ഫോറവും രേഖകളും റിസർവ് ബാങ്ക് ഓഫ് ഇന്ത്യയ്ക്കാണ് (IORSA പങ്കെടുക്കുന്നതിനുവേണ്ടി) എല്ലാ സ്ഥാപനങ്ങളും നൽകേണ്ടത്.

ഇതിനായുള്ള ഇ-മെയ്ൽ: [email protected]
IPR ( Intellectual Property Rights) നിയമങ്ങൾ പാലിച്ചുകൊണ്ടുള്ള പുതുമയുള്ള ഹൈബ്രിഡ് ഉൽപന്ന/ സേവനങ്ങളുടെ അധികാരപ്പെട്ട വ്യക്തികളാണ് ഇപ്രകാരം അപേക്ഷ നൽകേണ്ടത്.
റിസർവ് ബാങ്ക് ഓഫ് ഇന്ത്യയുടെ ഫിൻടെക് വകുപ്പാണ് IORS അനുസരിച്ചിട്ടുള്ള അപേക്ഷ സ്വീകരിക്കുന്നതിനുള്ള നോഡൽ പോയിൻ്റായി പ്രവർത്തിക്കുന്നത്.