സ്റ്റാർട്ടപ്പുകളിൽ നിക്ഷേപ സാധ്യതകൾ തുറന്നു സീഡിങ് കേരള, ഇൻവെസ്റ്റർ കഫേ മീറ്റുകളുമായി കേരള സ്റ്റാർട്ടപ് മിഷൻ. സീഡിങ് കേരളയുടെ ആറാം പതിപ്പ് മാർച്ച് 6 നു 10 ന് ഇടപ്പള്ളി മാരിയറ്റ് ഹോട്ടലിൽ മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും.
നിക്ഷേപ ശേഷിയുള്ള നൂറിലേറെ അതിസമ്പന്നർ 50ൽ ഏറെ നിക്ഷേപകർ, 40 ൽ ഏറെ പ്രഭാഷകർ, സ്റ്റാർട്ടപ്പുകൾ, കോർപറേറ്റുകൾ തുടങ്ങിയവർ പങ്കെടുക്കും. സീഡിങ് കേരളയുടെ തുടർച്ചയായി 7 നു കളമശേരി ഇന്റഗ്രേറ്റഡ് സ്റ്റാർട്ടപ്പ് കോംപ്ലക്സിലാണ് ഇൻവെസ്റ്റർ കഫെ. തിരഞ്ഞെടുക്കുന്ന 40 സ്റ്റാർട്ടപ്പുകൾക്കു നിക്ഷേപകരുമായി സ്വകാര്യ കൂടിക്കാഴ്ചയ്ക്കും അവസരമൊരുക്കും
