യാമി ഗൗതം നായികയായി എത്തിയ ചിത്രമാണ് ആര്‍ട്ടിക്കിള്‍ 370. സംവിധാനം ആദിത്യ സുഹാസ് ജംഭാലെയാണ്. ഗള്‍ഫ് രാജ്യങ്ങളില്‍ ആര്‍ട്ടിക്കിള്‍ 370 സിനിമയ്‍ക്ക് വിലക്കേര്‍പ്പെടുത്തി എന്നാണ് പുതിയ റിപ്പോര്‍ട്ട്.
യാമി ഗൗതത്തിന് പുറമേ ബോളിവുഡി ചിത്രം ആര്‍ട്ടിക്കിള്‍ 370ല്‍ പ്രിയാമണി, രാജ് അര്‍ജുൻ, വൈഭവ്, അരുണ്‍ ഗോവില്‍, ദിവ്യ സേത്, സുമിത് കൗള്‍, എന്നിവരും വേഷമിട്ടു. സംവിധായകൻ സുഹാസ് ജംഭാലെയ്‍ക്കൊപ്പം ചിത്രത്തിന്റെ തിരക്കഥയില്‍ ആദിത്യ ധര്‍, അര്‍ജുൻ ധവാൻ, മൊണാല്‍ താക്കൂറും എന്നിവരും പങ്കാളിയായി. ഛായാഗ്രാഹണം നിര്‍വഹിച്ചത് സിദ്ധാര്‍ഥ് ദീനയായിരുന്നു. ഫെബ്രുവരി 23നായിരുന്നു റിലീസ്.
ഹൃത്വിക് റോഷൻ നായകനായി എത്തിയ ചിത്രം ഫൈറ്ററും നേരത്തെ ഗള്‍ഫില്‍ നിരോധിച്ചിരുന്നു.
വൻ ഹൈപ്പിലായിരുന്നു ഹൃത്വിക് റോഷൻ ചിത്രം പ്രദര്‍ശനത്തിനെത്തിയത്. ബോക്സ് ഓഫീസിലും അത് പ്രതിഫലിച്ചിരുന്നു. ഇന്ത്യയില്‍ നിന്ന് മാത്രം 200 കോടി രൂപയില്‍ അധികം ഹൃത്വിക് റോഷനും ദീപിക പദുക്കോണും പ്രധാന വേഷങ്ങളില്‍ എത്തി സിദ്ധാര്‍ഥ് ആനന്ദ് സംവിധാനം ചെയ്‍ത ഫൈറ്ററിന് നേടാനായത്.ഇന്ത്യക്ക് പുറമേ 104 രാജ്യങ്ങളിലായിട്ട് ചിത്രം റിലീസ് ചെയ്‍തപ്പോള്‍ മോശമല്ലാത്ത പ്രതികരണം ലഭിച്ചിരുന്നുവെന്നാണ് ബോക്സ് ഓഫീസ് റിപ്പോര്‍ട്ട്.