രാജ്യത്തെ സൂക്ഷ്മ ചെറുകിട ഇടത്തരം സംരംഭങ്ങൾക്ക് (എംഎസ്എംഇ) ബിസിനസ് വായ്പകൾ ലഭിക്കാൻ നിരവധി ബുദ്ധിമുട്ടുകൾ നേരിടാറുണ്ട്. പേപ്പറുകളുടെ നൂലാമാലയിൽപ്പെടുന്നത് മുതൽ വൻകിട വായ്പക്കാർ പൊതുവെ വിശ്വാസമോ താൽപ്പര്യമോ പ്രകടിപ്പിക്കാത്തത് ഉൾപ്പടെ ബിസിനസ് ലോണുകൾ എടുക്കാൻ സൂക്ഷ്മ ചെറുകിട ഇടത്തരം സംരംഭങ്ങൾ പാടുപെടുന്നു.
ഇന്ത്യയിലെ സൂക്ഷ്മ, ചെറുകിട, ഇടത്തരം സംരംഭങ്ങളുടെ (എംഎസ്എംഇ) മേഖല രാജ്യത്തിന്റെ സമ്പദ്‌വ്യവസ്ഥയ്ക്ക് ഗണ്യമായ സംഭാവന നൽകുന്നുണ്ട്. ജിഡിപിയുടെ 30 ശതമാനം വരെ ഇതുവരും. വാസ്തവത്തിൽ, ഭൂരിഭാഗം ഉൽപ്പാദന യൂണിറ്റുകളും ഈ വിഭാഗത്തിൽ പെടുകയും ചെയ്യുന്നുണ്ട്. എന്നിട്ടും അവരുടെ പ്രവർത്തന മൂലധന ആവശ്യകതകൾ നിറവേറ്റുന്നതിനോ പണം സ്വരൂപിക്കുന്നതിനുള്ള അവരുടെ ആശങ്കകൾ മാറ്റാൻ നടപടിയില്ലെന്നാണ് ആരോപണം. എംഎസ്എംഇ ലോണുകൾ ലഭിക്കാൻ നേരിടുന്ന വെല്ലുവിളികൾ ഇവയാണ്;
വായ്പയ്ക്കുള്ള ഈട്
വായ്പയ്ക്കായി അപേക്ഷിക്കുന്നവർ, പ്രത്യേകിച്ച് അത് സൂക്ഷ്മ, ചെറുകിട, ഇടത്തരം സംരംഭകരാണെങ്കിൽ വായ്പ ഈട് നൽകണമെന്ന് വായ്പ നൽകുന്നവർ ആഗ്രഹിക്കുന്നു. എന്നാൽ യാഥാർഥ്യം എന്താണെന്നുവെച്ചാൽ സാധാരണ ഇത്തരം സംരംഭകർക്ക് പണയം വെക്കാൻ ആവശ്യമായ ആസ്തികൾ ഇല്ലാതെ ബുദ്ധിമുട്ടാറുണ്ട്. ഇന്ത്യയിലെ പല ചെറുകിട ബിസിനസുകൾക്കും ഈട് നല്കാൻ തരത്തിലുള്ള ആസ്തിയുള്ള എന്നാണ് വസ്തുത. ഇത് എംഎസ്എംഇ ഉടമകളെ ഈടില്ലാത്ത, ഉയർന്ന പലിശ നിരക്കിലുള്ള വായ്പ എടുക്കാനായി പ്രേരിപ്പിക്കുന്നു
വിശ്വാസക്കുറവ്
കടം കൊടുക്കുന്നവർക്ക് ഇപ്പോഴും പുതിയ അല്ലെങ്കിൽ ഉയർന്നുവരുന്ന ചെറുകിട ബിസിനസ്സുകളുടെ ഉടമകളെ പലപ്പോഴും വിശ്വാസമില്ല. മാത്രമല്ല, ലോൺ തുകകൾ വളരെ ചെറുതായതിനാൽ അവരുടെ ലോൺ പലപ്പോഴും ബാങ്കുകൾ പ്രാധാന്യം കൽപ്പിക്കാത്ത അവസ്ഥയുണ്ട്. ബാങ്കുകൾ. മാത്രമല്ല, കടം കൊടുക്കുന്നവർ പലപ്പോഴും ചിന്തിക്കുന്നത് ചെറുകിട ബിസിനസ്സുകൾക്ക് തിരിച്ചടയ്ക്കാനുള്ള ശേഷിയില്ലെന്നാണ്. തൽഫലമായി, വൻകിട ബിസിനസ്സുകളെ അപേക്ഷിച്ച് കടമെടുക്കുമ്പോൾ എംഎസ്എംഇകൾ പലപ്പോഴും കർശനമായ പരിശോധനയ്ക്ക് വിധേയമാകുന്നു. എംഎസ്എംഇകൾ ഉയർന്ന അപകടസാധ്യതയുള്ള വായ്പക്കാരായി കണക്കാക്കപ്പെടുന്നു, കാരണം അവർക്ക് കാണിക്കാൻ ക്രെഡിറ്റ് റേറ്റിംഗ് ഉണ്ടാകില്ല.
സാമ്പത്തിക സാക്ഷരതയുടെ അഭാവം
സൂക്ഷ്മ, ചെറുകിട, ഇടത്തരം സംരംഭകർ നല്ല ബിസിനസുകാരും റിസ്ക് എടുക്കുന്നവരുമാകാം, എന്നാൽ പലപ്പോഴും ഇത്തരത്തിലുള്ള സംരഭകർക്ക് സാമ്പത്തിക സാക്ഷരതയുണ്ടാകാറില്ല. പണം കടം വാങ്ങുമ്പോൾ ഇത് ഒരു തടസ്സമായി മാറുന്നു. അവർ പലപ്പോഴും തെറ്റായ തീരുമാനങ്ങൾ എടുക്കുന്നു. തൽഫലമായി കുറഞ്ഞ ക്രെഡിറ്റ് സ്‌കോറുകളിലും അസന്തുലിതാവസ്ഥയിലേക്ക് അവർ നയിക്കപ്പെടുന്നു.
കൂടാതെ, വായ്പാ വിപണിയെക്കുറിച്ച് അവർക്ക് മനസ്സിലാകാത്തതിനാൽ, മോശം വായ്പ ദാതാവിനെ തിരഞ്ഞെടുത്തേക്കാം. കടം വാങ്ങുന്നത് എളുപ്പമാക്കുന്ന ഫിൻ‌ടെക് സ്‌പെയ്‌സിനെക്കുറിച്ചുള്ള അറിവും അവർക്ക് സാധാരണയായി കുറവാണ്.
അമിതമായ നിയന്ത്രണങ്ങൾ
പണം കടം വാങ്ങുമ്പോൾ സൂക്ഷ്മ ചെറുകിട ഇടത്തരം സംരംഭങ്ങൾക്ക് പലപ്പോഴും അമിതമായ നിയന്ത്രണങ്ങളും കർശന പരിശോധനയും നേരിടേണ്ടിവരുന്നു. രേഖകളുടെ നൂലാമാലകൾ അവരെ വലയ്ക്കും.ഇത് സമയബന്ധിതമായി പണം കണ്ടെത്തുന്നതിൽ നിന്ന് അവരെ തടയുന്നു, ഇത് അവരുടെ വളർച്ചയെ ബാധിക്കുന്നു.
മിക്കപ്പോഴും, ചെറുകിട ബിസിനസ്സുകളുടെ ഉടമകൾക്ക് പരമ്പരാഗത വായ്പാ രീതികളെ ആശ്രയിക്കേണ്ടിവരുന്നു, അവിടെ അവർക്ക് കർശനമായ യോഗ്യതാ മാനദണ്ഡങ്ങൾ പാലിക്കേണ്ടതുണ്ട്. കടം വാങ്ങുന്നത് ദൈർഘ്യമേറിയതും സമയമെടുക്കുന്നതുമായ ഒരു പ്രക്രിയയാക്കി മാറ്റുന്നു, ചെറുകിട ബിസിനസ്സുകൾക്ക് പണത്തിന്റെ അടിയന്തിര ആവശ്യമുണ്ടെങ്കിൽ കർശനമായ മാനദണ്ഡങ്ങൾ പാലിക്കുന്നത് അവർക്ക് ബുദ്ധിമുട്ടാണ്