ഏപ്രിൽ ഒന്നു മുതൽ ദേശീയ പെൻഷൻ സംവിധാനത്തിൽ (എൻപിഎസ്) മാറ്റം വരുന്നു. എൻപിഎസ് കൈകാര്യം ചെയ്യുന്ന അപെക്സ് ബോഡിയായ പെൻഷൻ ഫണ്ട് റഗുലേറ്ററി ആൻഡ് ഡവലപ്മെൻ്റ് അതോറിറ്റി (പിഎഫ്ആർഡിഎ) എൻപിഎസിന്റെ നിലവിലുള്ള ലോഗിൻ പ്രക്രിയയിൽ മാറ്റങ്ങൾ വരുത്തുകയാണ്.
ഇതുവരെ എൻപിഎസ് അക്കൗണ്ടുകളിലേക്ക് ലോഗിൻ ചെയ്യുന്നതിന് രണ്ട്-ഘടക പ്രാമാണീകരണം ആവശ്യമായിരുന്നു. വരിക്കാർ ആധാർ വേരിഫിക്കേഷനിലൂടെയും മൊബൈൽ ഫോണിൽ ലഭിക്കുന്ന ഒടിപിയിലൂടെയും തങ്ങളുടെ ലോഗിൻ ആധികാരികമാക്കേണ്ടതുണ്ട്. സുരക്ഷ വർദ്ധിപ്പിക്കുന്നതിനാണ് ഈ നടപടി അവതരിപ്പിച്ചിരിക്കുന്നത്.